7.6.08

جلسه

جلســـــــــــــــــه


فى احدى الليالى الغريبه , ولعلى انعتها بذلك , فلقد غيرت مفهومى تماما . جلسنا سويا , انا والموت , عدوان يكره كلانا الآخر , او هكذا اظن . فانا اكرهه واكره قدومه , وهو يكرهنى ويكره حياتى . ولعل الصدفه او الترتيب الالهى هو ما جمع بيننا بغير ترتيب . جلسنا على طرفى طاوله كبيره , او هكذا تهيأ لى , ينظر كلانا للآخر نظره يغطيها الكره والبغض .

وفى ظل ذلك الموقف , اخترق ذلك الصوت الغريب حدود الصمت , صوت لم اسمعه من قبل , ولكنه كان الموت , نعم هو من اختار ان يبدأ بالكلام . فسألنى بثقه غريبه خلتها للحظه انها غرور وقال لى : انت تخافنى وتكرهنى ؟ , فرددت عليه : وانت تبغضنى وتشتهى قتلى ؟ . اذا فكلانا يحمل للآخر كل ما وسعته الدنيا من كره , هكذا قد قال .

فاخذ يسألنى عن نفسى , عن حياتى , ماضيّ ومستقبلى واحلامى , بل انه ذهب فى حديثه بعيدا حتى انه كان يسألنى عن كل شيء . حتى انى نسيت فى لحظه انى اتحدث مع من كان عدوى الاول والاخير . ثم اخذت اسأله انا عن ما هيته ومايكرهه وما يتمناه , واشياء كثيره . اخذنا نتجاذب اطراف الحديث يمينا وشمالا وننتهى من حديث لندخل فى آخر , حتى اننى خلته عالما او خبيرا او مثقفا من فرط ما وجدت عنده من كم هائل من الثقافه . ومن الغريب انى اخذت اتعلم من بلاغته وحكمته , وتركت كرهى له جانبا . حتى انى احسست بالقرب منه قربى من صديق حميم . حقا لم اعد افهم , فأنا الآن اتمنى ان اجلس معه طويلا طويلا . ولكنه فجأه دون اى استعداد , لم اجده بجانبى . نعم لقد رحل , لا ادرى كيف رحل , ولكنى اعلم انه ترك بداخلى صراعا وشتاتا غريبا بين ما كنت اشعر به الامس وما اشعر به انا اليوم .

اخذت افكر فيما تركه بداخلى هذا العدو الصديق , اللدود القريب . تركت كرهى له , وتصالحت مع نفسى . اخذت افكر فيه بعقلانيه . تقربت منه , وتعلمت عنه , بل انى وجدت انه لم يكن ابدا يستحق كل هذا الكره . فها انا اليوم انتظر لقاءه من جديد . بحياتى لم انظر للموت كما انظر له الآن .

الخيره فيما اختاره الله , كم هى من جملة رائعه . وان كان الموت يقربنى من الله , فكم هو من رائع وجميل . فحقا , انا لله وانا اليه راجعون .


{كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ } آل عمران

{إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَّاذَا تَكْسِبُ غَداً وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ } لقمان

{قُلْ يَتَوَفَّاكُم مَّلَكُ الْمَوْتِ الَّذِي وُكِّلَ بِكُمْ ثُمَّ إِلَى رَبِّكُمْ تُرْجَعُونَ } السجدة

{قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ } الجمعة

{يَوْمَ هُم بَارِزُونَ لَا يَخْفَى عَلَى اللَّهِ مِنْهُمْ شَيْءٌ لِّمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ } غافر


Finally, I knew that the death is not that awful thing, just to meet Allah.

ملحوظه : علشان متقلقوش عليا بس , انا تمام اوى وزى الفل , الحمد لله . يعنى حالتى النفسيه تمام اوى ومستريح ومفيش اى حاجه مضايقانى , علشان متفهمونيش غلط بس . بس ادعولى وادعولنا جميعا بالرحمه لما نكون بين ايديه سبحانه وتعالى .

6 comments:

Unknown said...

هو ده اللي بسميه التعمق الفكري وده طبعا مش بييجي غير اوقات الامتحانات :P

بس فعلا الواحد على الرغم من انه يقول انا مش بخاف من الموت بس بحس انه ده ادعاءات اكيد برضه الموت ليه رهبته بس اللي دايما بحس انه بيخوف اوي من الموت انه مش نكون مستعدين للقاء الموت عشان كده الواحد نفسه ربنا يرزقه حسن الخاتمه يارب :)


واكيد اذا كان عمل الواحد صالح فيهكون الموت هو انتقال لنعيم الأخره وزي ما كان السول صلى الله عليه وسلم بيقول بل الرفيق الاعلى بل الرفيق الاعلى بجد لو الواحد استشعر كل ده اكيد مش هيخاف ابدا من الموت

طبعا رغيت كتير بس عادي طبعا ارغي براحتي:P

ونورت برضه :P

Ph.Hamada said...

Dr.Shimaa
ايوه بالظبط هو ده التعمق الفكرى , بس مش بتاع الامتحانات خالص :D

هو فعلا الفكر ده مش وليد الايام ده خالص ولا حتى السنه ده , ده بقاله مده , بس الموضوع مجاش فى بالى انى اكتبه الا من كام يوم بس قبل امتحان الفارماكوكينتك .

الخوف اللى اقصده واللى اظن والله ادرى واعلم انى تصالحت مع نفسى فيه هو خوف الانتقال من مرحله الى مرحله تانيه , من حياه الدنيا الى حياه البرزخ . وطبعا وبلاشك , بيكون فيه خوف تانى مسيطر علينا وهو خوفنا اللى جاى من جهلنا بلحظه الموت وسكراتها , وهى ده فعلا رهبه الموت . لأن السكرات هى اصعب حاجه فى عمليه خروج الروح من الجسد .

وان كنا دايما بندعى ربنا انه يرزقنا بحسن الخاتمه , لأنه ساعتها اللى مكتوباله مبيحسش بصعوبه ومراره وقسوة السكرات ده .

وعلشان كده فيه دعاء بحبه اوى اوى وهو , اللهم ارزقنى قبل الموت توبه وعند الموت شهاده وبعد الموت جنه ونعيما ورضا ورضوان . وفعلا زى قولت فى البوست ,اذا كان الموت هيقربنى من الله سبحانه وتعالى , فأهلا بالموت . ربنا يرزقنا الاخلاص ويبعدنا عن الرياء .

وبعدين هو فين الرغى اللى بتقوليه عليه ده , انت تعرفى الرغى بجد لما تشوفى ردى على آخر بوست ليكى , بس طبعا , انا ارغى براحتى برده , مش محتاجه كلام : D

وطبعا , نورت البلوج والبوست د.شيماء , وحتى لو مقولتهاش كنت هقولها اكيد. ربنا يكرمك , ويرزقك كل خير , لأنك بجد تستاهليه , دعوات ببلاش اهه :P

Rehab said...

السلام عليكم
موضوع رائع جدا
خاصة وان التفكير فى الموت مش زى ما الناس فاكرة انه يخلى الواحد يتشاءم و يسيب كل اللى كان بيحلم بيه!

المفروض اننا نفكر فى الموت كتير عشان نخلص كل اللى المفروض نعمله..و نحاسب نفسنا كويس على الل عملناه...

يا رب تحقق كل اللى انت عايزه
ويا رب يرزقك بالعمل الصالح و حسن الخاتمة

Ph.Hamada said...

ٌRehab
فعلا يا داليا , التفكير فى الموت مش زى ما الناس فاكره خالص . الموت مش شر خالص , الموت خير , وخير كبير كمان . بس للمؤمن اللى هيعرف يرد على اسئله منكر ونكير ويثبت قدامهم .

وياريت فعلا نفكر فيه كدافع . زى ما المقوله بتقول , اعمل لدنياك كأنك تعيش ابدا واعمل لآخرتك كأنك تموت غدا .

ربنا يكرمك يا داليا على الرد وعلى الدعاء , ومنورة طبعا . ايوة كده عاوز اللى يجيلى يدعيلى . ربنا يكرمكم

وربنا يرزقنا جميعا حسن الخاتمه يارب

shams is here said...

حماده..بجد انا اول مره ادخل هنا
وماكنتش اعرف بالبلوج الرائع ده

بداية الاسم جامد
وان دل على شئ..فسيدل على عقليتك المتميزه

Ph.Hamada said...

shams is here
شمس .. ايه النور ده كله , مش تقول يا عم كنت فرشتك البلوج كله مواضيع :D

ده من حسن حظى يا محمد انك اول مره تدخل البلوج ويعجبك كده . الحمد لله . بس بقولك ايه , مش اول مرة وخلاص , انا عاوز اشوفك هنا علطول :P

وشكرا بجد على الكلام الجميل ده كله . بس هل انت متأكد ان كله لي انا ؟؟ :P

منور يا شمس , وزى ما قولت , نفسى اشوف تعليقاتك كتير . ربنا يكرمك :)