14.10.07

عن العشق والهوى


كم هو جميل ذلك الاحساس الذي احس به تجاهها , لا اعرف كيف يمكننى وصفه ولكنه احساس يملأ علىّ قلبى وعقلى , احساس يأسرنى , يشعرنى بالدفء ويفجر عواطفى

عشت أياما وأياما أكتم حبى لها ولكنى لم استطع فوجدتنى أمسك بقلمى وأكتب في دفترى كل ما أدخره لها في فؤادى . جميلة , نعم فجمالها يأسر القلوب أسراً , أحس من فرط جمالها أنها البدر في حسنائه وضيائه , بل النجم في توهجه ولمعانه , روحها صفية ونقية وعذبة عذوبة أنهار الجنة , تشع جمالا وحنانا على كل من حولها . أكن لها ما لم يكنه رجل لحبيبته من قبل . أحب الحب لأجلها وأستشف جمال الحياة من جمالها . إنى لا اعرف أن اكتب شعرا ولا نثرا ولكنى أعرف أنى أعشقها عشقا يملأ ما بين السموات والأرض

حبيبتى انى قد ادخرت حبى لكِ , فلم يعرف قلبى الحب قبلك ولن يعرفه لأحد بعدك . حبيبتى , خلقنا لكى نكون سويا , روحا واحده بجسدين . حبييتى , إنى ها هنا أنتظرك منذ سنين وسنين , فلأجلك أحببت حياتى , ولأجلك أنت أحيا أنا

16 comments:

Unknown said...

هيييييييييييييييه
ياسيدي ياسيدي ياسيدي

الله الله الله

من ورااااااااااااااايا
والله ووقعت ولاحدش سمى عليك ;)

shoshr said...
This comment has been removed by the author.
shoshr said...

حماده
ازيك عامل ايه النهارده :p

مااجمل هذا الفيض من الاحساس الصادق الذى محله جنبات قلبك الممتلىء بال....منور ياباشا

**أحب الحب لأجلها وأستشف جمال الحياة من جمالها . إنى لا اعرف أن اكتب شعرا ولا نثرا ولكنى أعرف أنى أعشقها عشقا يملأ ما بين السموات والأرض**

**فلم يعرف قلبى الحب قبلك ولن يعرفه لأحد بعدك**

وكاتم كل ده يابنى
ربنا يوفقك ياباشا

ان غدا لناظره لقريب (يوم الثلاثاء
ياانا يانت :p(.

Sameh M. Magdy said...

ياااااااااااه ياحمااده
كل ده وكاتم
طيب كنت قول كنت عملت معاك واجب :p

طلع طلع احنا سامعين
ماتقلقش مش هنقولها

Ph.Hamada said...

AmR
ما يقع الا الشاطر يا عمرو :)
وانا الصراحة شاطر اوى :)
منورنى كده دايما يا حبيبي

Dr.shoshr
انا الحمد لله تمام اوى يا شوشر , ازيك انت , ايه الكلام الحلو ده , انا شكلى كده مش جاى يوم الثلاثاء ده :)
انا طبعا :)

Loverheart
تخيل يا سامح كاتم كل ده :D ، لا .. لا , ده حاجة كنت كاتبها كده من 3 شهور وحبيت اطلعها دلوقتى , بس هيا ده الحكاية :)
نورت يا سموح :)

Unknown said...

لا لا كده شكلك يا د.حماده قعدت كتير مع د.عمرو :P:D

بس ما شاء الله يا د.حماده جميل احساسك اوي ومفهومك اللي انت كاتب بيه
ربنا يوفقك يا د.حماده يارب
ان اء الله كلكم تجيبوا امتياز مايكرو :P

loza said...

يااااااااااااااه د.حماده اتكلم فى حاجه تانيه غير الكليه والعلم

بس الشخص ده فى الكليه عندنا..!!؟
(ايموشن بيغمز)

بجد الاحساس الى حضرتك اتكلمت عليه عالى اووى
واكيد واصلها حتى لو مقولتلهاش

Ph.Hamada said...

Dr.Shimaa
انا فعلا شكلى كده اتعديت من عمرو :)
بس طبعا انا مبتدئ خالص , بس حبيبت اشركم معايا في كتاباتى و مشاعرى شوية

ربنا يوفقنا جميعا ان شاء الله د.شيماء , وبجد انبسطت جدا لما شرفتينى النهاردة , وبالنسبة للميكرو , هوا ده بالظبط اللى انا عايزه , ادعولنا يا جماعة :)

Loza
هو انا اتشهرت بحبى للكلية ولا ايه د.لوزة , انا برده زى كل الناس بزهق منها وبغضب منها و ساعات ببقى مش طايقها , بس في الآخر هيا كليتى اللى بحبها جدا :)

بس الشخص ده فى الكليه عندنا..!!؟
:)

الحمد لله انى قدرت اوصل احساسي لكل اللى قرأ , وربنا يعمل اللى فيه الخير بقى :)
:D

lolita said...

يا سلام ايه الجمال ده يا دكتور حماده
بجد ماشاء الله وصلت احساسك باسلوب معبر جدا
بس ليه بتخبي عناا الحاجات الحلوه دي
منتظرين ابداعاتك علي المنتدي
وربنا يوفقك وتجيب امتياز ميكرو"دعوه حلوه اهيه"

Ph.Hamada said...

Dr.Lolita
الله يخليكى د.لوليتا , ده اول عمل اكتبه وبصراحة انا بعتز بيه اوى , وتصنيف حضرتك ليه انه حاجة حلوة اداله طبعا صفة خاصة :)

وبالنسبة للمنتدى ده ممكن تكون صعبة حاليا حضرتك عارفة ان اغلب اللى بيكتبوا فى المنتدى تقريبا عمالقة الكتابة فمأجل الخطوة ده حاليا , انا بجد مش عارف اشكرك ازاى ع الدعوة ده , ربنا يكرمك :)

break said...

:)
ما شاء الله
اول حاجة تكتبها
و تطلع احساس عالى اوى كدة
ربنا يباركلك و يوفقك
سواء فى الدراسة اللى بتحبها او فى اى حاجة تانية بتحبها بئا

Ph.Hamada said...

Break
د.بريك , انا مش مصدق لغاية دلوقتى انى كتبت حاجة اصلا , سبحان الله , احساس حسيته وكتبت على اساسه

بجد ربنا يكرمك يا دكتورة على التشجيع ده , انا مبسوط اوى انها عجبت الناس , وربنا يوفقنا في الدراسة الأول ونبقى نشوف ساعتها بقى الحاجة التانية ده :)

soso said...

أوبااااااااااا
كان فين البوست ده ...معلش دايما متأخرين كده بس سامحونا بقى

بالنسبة للخاطرة دي .. جميلة بجد علشان صادقة قوي
و جميل جدا إن الواحد يعبر عن اللي جواه بدون خجل

( نصيحة بقى أخوية على الماشي كده : لو اللي مكتوب لها البوست ده من صيدلة إلحق قولها .. أصل بنات صيدلة اليومين دول بيتخطبوا بسرعة قوي )

Ph.Hamada said...

Queen Of Roses
لا متاخرين ولا حاجة د.كوين , خلاص خلاص , حضرتنا قبل اعتذار حضرتكم ولا مشكلة :)

يا سلام , الواحد بعد التشجيع الجميل ده شكله هيكتب عشر بوستات في يوم واحد :) ، وبالنسبة بقى لاحساس الكلام فده كان لازم يوصلكم بالطريقة ده , لأنه خارج من القلب

اما بقى للنصيحة الأخوية الغالية ده , فأنا فعلا لاحظتها , بس اشمعنى بنات الصيادلة بالذات , انى اتسائل

بس انا بحب اطمنكم يا جماعة ان اللى انكتب فيها البوست في عقلى :)

sa'7so'7te said...

والله انا حساها تناحة مننا اننا ندخل نرد لان الكلام ده موجه لواحدة ربنا بيحبها
:)
و حسة و انا برد عليك زى ماكون واحدة تنحة قاعدة ما بين اتنين بيحبوا بعض ده ييجى يتكلم ابصله و دى تيجى ترد اسبقها و ارد انا
يمكن ده السبب اللى اخرنى فى الرد على بوستك ده رغم انى معروفة ان النوع ده من البوستات مجالى
بس من كتر ما كلامك واصل اوى اتكسفت اتدخل
:)
و ربنا يحفظكوا

Ph.Hamada said...

sa'7so'7te
لا لا , لا تناحة ولا اى حاجة د.سخسوختى , معقول ده اللى خلاكى تتاخرى في الرد :) , لا بعد كده ابقى ردى علطول وما تحطيش في بالك :)

الحمد لله انى كلامى لقى القبول ده كله عندكم , والحمد لله انى قدرت اوصل احساسي للناس , لأن بجد جمال الحب في مشاعره الصادقة

نورتى د.سخسوختى , ربنا يكرمك :)
و يحفظها :)