30.12.08

لسنا عرباً

لسنا عربـــــــــــــاً


يبدو اننا لم نعرف ولا نود ان نعرف فلسطين الا فى المناسبات .. يبدو اننا تناسيناها او نسيناها على احسن تقدير .. ويبدو ايضا اننا تناسينا او تخلينا عن عروبتنا المزعومه , وطفقنا نبحث عن ربما امريكيتنا او لعلها اوروبيتنا .. يبدو اننا لم نكن عربا , بل واصررنا ايضا على ان لا نكون .. فما للعرب يا اخى لتتمنى حين اذن ان تكون عربيا :(



ربما هو بعض من العار , ان تصف نفسك بانك عربى , ربما تخبرنى - عزيزى - انك تختار لنفسك قوميه اخرى , عندما تحادث صديقاتك الاجنبيات . فانك مثلا عندما تحادث كلارا الايطاليه تخبرها بانك اسبانى الاصل عربى المعيشه , بينما عندما تحادث صوفيا الانجليزيه تخبرها بانك فرنسي الاصل عربى الاسم , اما عندما تحادث كريستينا الامريكيه تخبرها بانك اسرائيلى الاصل والطباع والتفكير وعربي الحظ , ذلك الحظ الاسود لا اكثر !! ..

فكأنما خلق الاعاجم من ذهب
اما العرب , خلقوا بطين من عجب

هل لازلت تذكر - اخى - انك عربى , فكر لبرهه قبل ان تُجب , فما علامة عروبيتك عزيزى ؟؟ ..هل نصرت اخا لك يوما جاءك يطلبك حَكَماً بينه وبين عدو له ؟! , هل نصرت اخا لك يوما وقد رأيتَه يهان امامك ؟! , هل حركت ساعدا يوما لترفع ظلما او ترد مظلمه لاخ لك ؟! , هل شعرت يوما بالغضب وانت ترى اخاك بلا مأوى وقد دُمّر بيتُه تدميرا ؟! , هل شعرت حينها بالنخوه وذهبت اليه تعرض عليه الاقامه معك ؟! , ام هل ضاق صدرك يوما فلم تجد الا اخاك تشكى له وتحدثه ؟! , ام هل انتصبت فيك شعرة وانت ترى امرأة اخيك تغتصب امام عينيك كل يوم ؟! , ام هل شعرت يوما انك مسؤول عن اولاد اخيك اليتّم الذى اغتالته الخيانه من بينهم ؟! ..



اخى - ايها العربى - امَا وقد ضقت ذرعا بهذا الحديث , وما عدت اود ان اكمل , واخشى ما اخشاه ان اكون محض شخص يحدث نفسه وترد نفسه على نفسه :(

أَرَى الدَّهْرَ لا يَرْضَى بِنَا حُلَفَاءَه .. وَلَسْنَا مُطِيقِيهِ عَدُوَّاً نُصَاوِلُهْ

فَهَلْ ثَمَّ مِنْ جِيلٍ سَيُقْبِلُ أَوْ مَضَى .. يُبَادِلُنَا أَعْمَارَنا وَنُبَادِلُهْ


ملحوظه : كل ما فى هذا المقال هو من تأليفى الا آخر بيتى شعر والملونين باللون " الاخضر " فهم للشاعر الفلسطينى - تميم البرغوثى - فى قصيده قفى ساعه

7 comments:

shimaa said...

انا حاسه فعلا الواحد اتخنق من كتر ماهو حاسس بالحق وحاسس بقيمة الحاجات اللي حواليه في حين انه فيه ناس اصلا مش مقدره حاجه زي ده
يعني فعلا الواحد لازم يفتخر بكونه مسلم عربي فخر مالوش حد ويحس بعزه وكرامه كده.. بس للاسف اللي بيحصل انا بنتكسف من الخيبه الي وصلنا ليها دلوقتي !

بس انا فعلا نفسي مش اردد شعارات واقول احنا غلطاننين عايزه نبدا نتحرك ونعمل حاجه
يعني فكرة العروبه ده بسبب ايه اننا من دول العام التالت انه بيتقال علينا في المجتمع الغربي انه احنا ناس وحشيه والاساس عندنا القتل
تطلع نماذج بقى مشرفه ناجحه علميا جدا وناجحه في حياتها اوي وفي نفس الوقت عندها يقين داخلي بفكرة العروبه وعندهم فهم صحيح لل حاجه
معلش طولت في الرد بس فعلا القضيه مش هينه والواحد حاسس انه اتكلم كتير وانفعل كتير اوي محتاج يشتغل بقى

اه على فكره ماشاء الله الاسلوب بتاع البوست تحفه شكلك هنخليك تكتب مقالات بعد كده وننزلها منشورات حماسيه :P

أحمد said...

قد يقولها بسهولة:
نعم أنا عربي

ثم لا يشعر بالخجل

لأن كلمة العروبة فقدت صفاتها الشريفة القديمة من كرم ونخوة واستبسال، وأردت أثوابا أخرى من الصفات

أو قد يقولها ويردف قائلا:

جغرافيًا وحسب
:)

--
دمت بود، مقال به سياط كثيرة :(

Ph.Hamada said...

Shimaa
هسألك سؤال واحد قبل اى حاجه , بتدعيلنا ولا لأ :D

لو كانت الاجابه بنعم , فانا كمان بدعيلك , وان كانت الاجابه بلا , فانا برده بدعيلك , ربنا يكرمك يا شيماء , ايموشن بيغمز وانت عارفه بيغمز ليه :D

ثانيا بقى , انت كده ناويه تودينى ورا الشمس باين , منشورات حماسيه ايه يا ماما , ده انا غلبان خالص والله , وانت عارفه , انا برده وش ذلك :D

انا على فكره معاكى فى نقطه العروبه العمليه , بس المشكله بقى ان العربى اللى انتى بتقوله عليه ده موجود بس بره الوطن العربى , وكتير اوى اوى على فكره , يعنى نسبه العرب المهاجرين لدول اوروبا والامريكاتين واللى بجد بقى اسمهم عرب ونماذج مشرفه جدا وعقول نادره جدا فى الدول الغربيه كمان يقدر بمئات الالاف

بس المشكله ,ان فكر العروبه اللى كانت بتنادى بيه مصر ايام عبد الناصر , مبقاش موجود , فكر الوحده والانتماء لاصل واحد مبقاش موجود

لا واللى يغيظ كمان والله ان عبد الناصر بقى بيهاجم و بينعت الغباء والتلاعب بعقل الشعب العربى لانه اوهم العرب بفكره غير منطقيه وغير قابله للتحقيق على ارض الواقع , واللى هى فكره الوحده العربيه , واللى قامت منها منظمه زى جامعه الدول العربيه , وللاسف لم تؤتى بثمار حتى الان

انا مبقتش عارف اقول ايه الصراحه , ولا اعقب ولا اضح حلول , لعروبتنا اللى هى اصلا موجوده فى دمائنا بس للاسف كده شكلها خفت اوى فى التركيز لدرجه يصعب فيها ان تعطى نتائج ايجابيه فى اختبار هويتنا وانتمائنا العربى :(

Ph.Hamada said...

أحمد
انا معاك يا احمد فعلا , للاسف فقدت كلمه العروبه معناها وشرفها وقيمتها عند اغلب الناس اللى هما جغرافيا للاسف عرب :(

فين الكيان اللى يربط الناس دول بعروبتهم تانى , فين حلم العروبه , فين الوحده , فين الدفاع العربى المشترك , فين العمله العربيه الموحده , فين الاقتصاد العربى الواحد , فين السوق العربيه الواحده , فين الحدود العربيه الواحده فين فطار الشرق السريع اللى بيعبر كل الحدود الوهميه بين وطن عربى واحد

وللاسف كمان , كلمه الوطن العربى , تم اقصاؤها سياسيا واقتصاديا واجتماعيا من على الساحه العربيه , بل استطيع ان اقسم ان مفيش ولا دوله عربيه بتطلق على الكيان العربى اسم الوطن الا مصر فى بعض الاحيان , وتم استبدالها بمصطلح العالم العربى , وكأن وجودنا العربى فرض علينا فرض رغما عنا , وانه لو كان الامر باختيار العرب لاختاروا ان يتفرقوا على ان يجمعهم كيان واحد

هي ده المأساه للاسف , انتهى الوعى بقضيه الهويه العربيه والاخوه العربيه والكيان العربى الى اجل غير مسمى :(

شكرا جزيلا لك لتعليقك على مدونتى المتواضعه , دمت بكل خير وود يا احمد :)

مجرد مدونة said...

العرب جنس عزيز إن تمسك بالدين وذليل إن استغنى عنه ..
ربنا يبارك فيك :)

Tadwina said...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/899

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

Ibrahimsamir said...

دراسة ماجستير تتناول المدونات المصرية
بعد التحية،اسف للخروج عن مضمون التدوينة فى التعليق أنا اسمى إبراهيم سمير أعمل صحفى بمجلة الإذاعة والتليفزيون وأقوم بعمل رسالة ماجستير تحت عنوان "استخدامات الشباب المصرى للمدونات ومنتديات النقاش الإلكترونى على الإنترنت.. دراسة مسحية" وكما يظهر من عنوان الدراسة أنها تتعلق بالمدونات المصرية والتى ينشئها مدونون مصريون ولقد اخترت المدونة الخاصة بكم لتكون من ضمن المدونات التى يتم تضمينها بالدراسة ليتم دراستها وهناك جزء بالدراسة يتعلق بالقائم بالاتصال وهم المدونون المصريون ولذلك قمت بتصميم استبيان للتعرف على أنماط ودوافع استخدام المدونون المصريون لمدوناتهم واتمنى ملئ استمارة الاستبيان المرفقة مع الرسالة وهى الجزء الأهم بالدراسة واتمنى المساعدة فى دقة الإجابة للأسئلة حرصاً على دقة النتائج. والاستبيان يتكون من مجموعة من الأسئلة المتعددة الاختيارات يقوم المدون باختيار الإجابة الصحيحة وهناك أسئلة يمكن اختيار أكثر من إجابة وهى الأسئلة التى يرفق بها عبارة (يمكن اختيار أكثر من بديل) وهناك أسئلة يمكن أن تضيف الإجابة التى تراها من وجهة نظرك. وبعد الإجابة على الاسئلة تضغط على ايكونة submit.
ولقد ارسلت لك على الايميل الخاص بك الاستبيان ولكن لم يصلى الرد ارجو الدخول على الرابط الخاص بالاستبيان وتجيب عليه وهذا هو الرابط
http://spreadsheets.google.com/viewform?formkey=dHFZMENoU194OGpza0RzRUpaeXRWV1E6MA
ولك منى وافر التحية
إبراهيم سمير
صحفى بمجلة الإذاعة والتليفزيون
تليفونى 0128460141
ibrahimsamir@hotmail.com