5.3.08

حماقة


احمق
نعم قد كنت
وربما لازلت
وربما ما قلت

يوم مضى وآخر ماضٍ
ويوم حماقتى لا استطيع فراقه

كم كنت احمق حينما
تصنعت الحديث
وكم كان الكلام ثقيل

ولكم وددت انى ما عشته يوما
للضعف رمز وللحماقة عنوان
ذهب الرجال وذهب شموخهم
وبقيت كالطفل الصغير اللاهى

عذرا احبائي على ضعفى
والف عذرعلى حماقتى

ويحِى انا
ماعدت الذي كان
والذي كان ما عاد انا
ضعيف .. احمق
هذا ما تبقى
احبائي
...

9 comments:

memo said...

إيه ده بقى

انت بتعلقنا يعنى

Ph.Hamada said...

ِAmany
ادينى نزلتها كلها اهه

امبارح كان في بالى الموضوع
والنهاردة كتبته
بس كده

Unknown said...

وده من ايه مثلا ايه ياحماده الكلام المبهم ده

وبعدين اصلا اصلا اصلا ايه لازمته الكلام ده اديني سبب مقنع

بداية كده ابدي اعتراضي اللى حين اشعار اخر

Ph.Hamada said...

Dr.Shimaa
د.شيماء , ليه بس كل الاعتراض ده , طيب ناخد الموضوع واحده واحدة كده

في وقت من الاوقات وفي موقف من المواقف حسيت بالضعف اوى اوى وده صعب جدا على اى رجل لدرجة اثرت علىّ في ساعتها وخلتنى اتصرف بحماقة وحسيت بيها في طريقة كلامى وتعاملى

وبالتالى كنت متضايق جدا من اللى حصل , واتمنيت فعلا انى عمرى ما كنت اتحط في موقف زى ده , لأن لحظة الضعف ده بتبقى قاسية اوى , ومعنديش استعداد انى اتعرضلها تانى , لأن احساسها بيبقى بشع

وبس على كده :(
اتمنى يكون المعنى وصل - ربنا معانا

Unknown said...

اوك يا احمد انا مانكرش ان لحظات الضعف في حياتنا بتبقى صعبهبس انا ماعجبنيش في كلامك انك قلت على اي رجل وكأن الرجل ده مش انسان بتيجي عليه لحظات ضعف حتى لو ان طبيعته بترفض شيء زي ده بس ده شيء طبيعي

وبعدين ليه واخد الامر بالسوء ده انا شايفه انه الضعف الانساني على الرغم من قساوته على النفس البشريه الا انه بيخفي معنى الجميل انه انت انسان وناس كتييير اوي مفتقده المعنى ده مفتقدين المعنى لكلمة انسان وانك مهما كانت قوتك لازم فيهلحظات ضعف والناس الصح هي اللي بتعترف بده

المهم بقى عشان انا شكلي بدا الكلام يهيس معايا :D

يعني اقولك انك ماتديش الموقف اكبر من حجمه وماتحطوش على انه مشكله مجرد موقف صعب اتعرضت ليه واكيد اداك خبره وقواك شويه

بس خلاص :)

وربنا يوفقك ان شاء الله ويحققلك كل اللي بتتمناه :)

Ph.Hamada said...

Dr.Shimaa
تمام د.شيماء , الرجل انسان وكل حاجة بس فعلا زى ما انت قولتى ( طبيعته بترفض شيء زي ده ). وبالتالى لما الاقى حاجة زى ده كنت لازم اتضايق جدا وبعدين انا كنت متضايق اكتر من نفسي لأنى حسيت انى اتصرفت تصرف مش سليم واثر عليا الموقف في ساعتها

بس كده

بس يظهر انى هتعب كتير في دنياى لو خت كل حاجة كده , بس ده كانت مجرد فضفضة عن اللى كنت حاسس بيه ساعتها , افضفض بقى ولا اكتم في نفسي واموت بدرى :D

بجد ربنا يكرمك د.شيماء
ومعلش تاعبك معايا :(

Unknown said...

على فكره يا احمد بعد الاضطلاع على اوراق القضيه ومعرفة الخبايا اكتشفت شيء مثييير للدهشه :D

لمعرفة الحل

مممممم مش عارفه بقى بس هتعرفوا ان شاء الله :D

Ph.Hamada said...

Dr.Shimaa
يااااه . بعد الاطلاع على اوراق القضية ومعرفة الحبايا .. كل ده مرة واحدة , ممممم ماشي واحنا بيهمنا يعنى :D

بس ايه هو الشيء المثير للدهشة ده بقى , انا عاوز اعرف ودلوقتى , واوعى تهربى من السؤال :D

وبعدين ايه اللى هيتعرف ده , ايه يا د.شيماء الكلام المبهم ده

بصراحة , انا بعترف انى مفهمتش حاجة . انا اطالب وبشدة بالتوضيح العاجل ,السريع ,الشامل والعادل :D

Unknown said...

:D

لا بس اصل في ناس كده برضه عملوا تقريبا يعني الموقف من كام يووم وكان رد فعلهم نفس رد فعلك بالزبط كده :D

بس بقى فاكتشفت u r the same


اعترف بقى حاجه مهمه ولا لأ:P