عقـل وقلـب

حــوار العـقـــل وعـاطفـة القـلــــب

حبيت انى اطل عليكم - قصدى اغلس عليكم :) - من جديد , وحبيت ان غلاستى المرة ده تبقى مختلفة شوية , فحبيت اعمل كوكتيل كده يارب يعجبكم من حوار فكرى بالدرجة الاولى وبعدين انقلكم بسرعة للعواطف والمشاعر الجميلة اللى اكيد كلنا بنحبها , الفكرة ده جاتلى لما لقيت انى عاوز اعمل بوستين في نفس الوقت والاثنين عاجبينى اوى وعاوز اعملهم من زمان ووقتهم هوا اللى جمع بينهم وطلعلى الفكرة ده في دماغى , فقلت طبعا اجرب فيكم بما انكم اصحابى واخواتى واحبابى :) , ويارب تستحملونى للآخر . الحوار الفكرى هو وسم جميل اوى كان اتبعتلى من صديق عمرى عمرو , و العمل العاطفى فهى كلمات رومانسية رقيقة اوى حبيت انكم تشاركونى فيها

أولا : الوسـم الفكـرى

في حواربين اثنين من المفكرين العرب .. نقد أحدهما الآخر قائلا .. " انه يحاورني بعقلية خطيب جمعة "جملة تحمل في طياتها نقدا .. او قُل تقليلا من فكر هؤلاء الخطباء .. فمارايك فيما يقدمه الخطباء لنا من فكر - ان جاز تسميته كذلك

تكمن المشكلة في الفجوة الكبيرة بين خطباء المساجد وعلماء الدين وبين العامة ذلك ان الاغلبية من الخطباء والعلماء يعتزلون الحياة بشتى اشكالها وسبلها ويقتصرون على منابر المساجد او الندوات والدعوات الدينية التى يقومون بها بالاضافة الى تقوقع البعض في قوقعة او قالب فكرى صلب وثابت منذ مئات السنين رغم ان الفكر يتغير في اليوم الواحد عشرات بل مئات المرات مما خلق تلك الفجوة المزدوجة كونها فكرية وتواصلية بين علماء الدين وبين العامة

قال الشافعي " رأيي صواب يحتمل الخطأ ورأي غيري خطأ يحتمل الصواب " فهل تنطبق هذه القاعدة على الدين .. هل ترى ان الدين الذي تؤمن به هو الدين الحق و ربما يكون الاخرون على حق ايضا فيما يؤمنون به من اديان .. ام ان دينك الحق و سواه باطل ؟

لقد قضي الله عز وجل في هذا الأمر منذ أكثر من 1400 عام عندما قال جل شأنه : {إِنَّ الدِّينَ عِندَ اللّهِ الإِسْلاَمُ وَمَا اخْتَلَفَ الَّذِينَ أُوْتُواْ الْكِتَابَ إِلاَّ مِن بَعْدِ مَا جَاءهُمُ الْعِلْمُ بَغْياً بَيْنَهُمْ وَمَن يَكْفُرْ بِآيَاتِ اللّهِ فَإِنَّ اللّهِ سَرِيعُ الْحِسَابِ } آل عمران19 , كما قال ايضا : {وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ } آل عمران85 , ذلك اننا لا ننكر كون من آمن بالله الواحد وبرسله بما فيهم نبي آخر الزمان مهما كان مسمى دينه قبل نزول الرسالة المحمدية على انه مؤمن موحد وحسابه على الله

الكثيرون اليوم .. سواء من العرب او الغرب.. يتجهون الى نقد التدين .. يصفقون الى الاعمال الادبية التي تتصادم مع الدين و يصفونها بالابداعية .. خصوصا .. مع تزايد اعمال العنف في شتى بقاع لارض و التي ترتكب باسم الدين .. و في المقابل يهاجم علماءالدين هذه الافكار.. بدعوى ان الاديان ما وجدت لخنق الحريات .. بل يتجاوزون ذلك للقول بان الدين هو مصدر الحرية .. لكنها تبقى كلمات .. هل التقيت بنفسك بشخص متدين و حر في افكاره .. هل حاولت ان تكون ذلك الشخص .. لكي تبطل تلك النظرية

انا اتفق تماما مع رأى صديقى عمرو في انه طالما كان الابداع تحت سقف التشريع وفي اطار الدين فلا مشكلة فيه ابدا , اما اذا كان التصادم بين ذلك الابداع وهذا الاطار الدينى فقد خرج بذلك الابداع الى محاولة عبثية لا طائل منها , فالدين نظام واطار حياتىّ شامل لكل نواحى الحياة لم يضعه الكهنة او علماء الدين , بل هو الله الواحد الأحد . رغم ان عدد ما قابلته من المتدينين اصحاب الفكر المستنير الذي لا يتصادم فيه الدين مع الحياة كان قليلا جدا , ورغم ان الغلبة لما رأيتهم ممن يتدينون حديثا فيجدون انفسهم في مفترق طرق وفي صدام لابد منه بين الدين والحياة , إلا انى متفائل بتلك القلة الوسطية الناجحة التى لم اكتشف وجودها الا مؤخرا

طبعا .. المفروض دلوقتى انى امرر الوسم لحد بس انا مش همرره , غلاسة كده :) , لأن طبعا عمرو كتر خيره بعته لكل اصحابنا , فبالتالى انا بقولكم لازم تخدوه وتجاوبوه , ده أمر على فكره :)

ثانيا : عاطفــة القلـــب

طبعا لأنى ماليش غيركم ولأنكم أقرب الناس ليا فحبيت انى اشركمّ معايا في كل حاجة , وحبيت انكم تشاركونى في احساسي بكلمات جميلة اوى وغاية في الرومانسية ومليانة مشاعر واحاسيس حلوة اوى , هيا كلمات اغنية عاطفية بحبها اوى وبحب اسمعها في كل لحظة وفي كل وقت وبحب ادندن بيها كل اما ابقى فاضي , اغنية العندليب الأسمر ::. أحبك .:: , فعلا عبد الحليم حافظ من المطربين اللى اضافوا كتير اوى للفن الغنائي في الوطن العربى كله بصوته الجميل واحساسه العميق وادائه الرائع , المهم عشان مطولش عليكم , ماتيجوا نشوف الكلمات اللى انا بعشقها اوى واحب انكم تشاركونى احساسي بيها

أحبك احبك احبك

كلمة بقالها ايام وليالي تدوب فيا .. عايزة تروحلك وانتي بعيدة عليا
الكلمة اللي انا عايش بيها وهدوّب كل الشوق فيها .. وهقولها وهعيدها وأغنيها
هقول احبك هقول احبك وأعيش احبك اعيش احبك

احبك احبك يا حياة قلبي

***

يا عنيا يا قلبي جري ايه الدنيا احلوت كدة ليه

يا اصحابي يا اهلي يا جيراني انا عايز اخدكوا في احضاني

مش قادر علي فرحة قلبي مش قادر ابدا يا حبايبي

والكلمة الي انا عايش بيها وهدوّب كل الشوق فيها .. وهقولها واعيدها وأغنيها
هقول احبك هقول احبك وأعيش احبك اعيش احبك

احبك احبك يا حياة قلبي

***

بحبها بحبها وفي قلبي ساكن حبها

يا ريت يا شوق توصلها ويحس بيا قلبها .. بحبها بحبها
بكرة خلاص هقولها روحي لها عقلي لها وهقولها هيا الهنا هيا المنى كل المنى هيا حياتي كلها .. بحبها بحبها
والكلمة الي انا عايش بيها وهدوّب كل الشوق فيها .. وهقولها واهعيدها وأغنيها
هقول احبك هقول احبك وأعيش احبك اعيش احبك

احبك احبك يا حياة قلبي

وبكده اقولكم اسف على الاطاله ويارب يكون الكوكتيل عجبكم

:)