18.8.07

All About Creative Mind

Why Creative Mind ?


عشت طوال عمرى القصير احلم ان احقق اشياء كثيرة جدا , ولكن وجدت ان كل هذه الأحلام طويلة الأمد وصعبة المنال . ففكرت ان كان هناك في عالمنا مايسمى صعبا فرأيت جراهام بل يصنع لنا آلة عجيبة من العدم تمكننا من النتواصل من من يبعدوننا بآلاف الأميال ورأيت اديسون يصنع لنا كرة عجيبة يقال بانها تضئ وتتوهج بشئ يسمونه الكهرباء ورأيت رونتجن وهو يضع بين أيدينا صورة سوداء قاتمة ويخبرنا بأنها صورة لجسم الانسان ورأيت اينشتاين وقد حبس الطاقة في معادلة . فتعجبت وأخذت أبحث في ما وراء كل هذه الأسياء العجيبة التى لا يمكن وصفها في وقتها إلا بمستحيلة الحدوث بل وتحتاج الى معجزة , فوقفت على استنتاج واحد وهو اننا نملك في اجسامنا تلك المعجزة وهى ( العقل البشري ) الذي ان احسنا استغلاله يظهر الابداع ويتجلى في احسن صوره . فقررت ان اهتم بهذا العقل المبدع لكى احقق ما احلم به من احلام صعبة المنال .


Who is Hamada ?


حماده هو انا " اجابة ذكية جدا على فكرة :) " , طالب في كلية صيدلة - جامعة طنطا , اعشق الصيدلة ولكنى لا افقه اى شئ فيها حتى الآن ( ومتسألنيش ازاى ) . داخل صيدلة عن حب واقتناع مش عشان اى حاجة تانية وتبعا لذلك انا بحب مجال دراستى جدا ومتفوق جدا جدا ( مش كده اوى يعنى ) , بس بحلم بحاجات كتير اوى احققها واحقق بيها ذاتى في مجال شغلى . بس فيه مشكلة قدامى !! . حقدر احقق احلامى ازاى وانا بذاكر للامتحان مش للعلم ( هتقولى هو فيه حد بيذاكر للعلم النهاردة ) هقولك ايوة بس بره مش عندنا , طيب وبعدين ؟؟ . أنا هبدأ من النهاردة اذاكر عشان احقق كيانى واحقق احلامى من خلال صيدلى فاهم شغله كويس او بعبارة احسن ( صيدلى مبدع ) وهو ده المشروع اللى انا بناديله وبتمنى انفذه وهو مشروع الصيدلى المبدع .

13 comments:

shimaa said...

د.حماده اولا يسعدني اني اكزن اول واحده تباركلك على البوج:)
ومن اولها كده بجد شكله هيببقى بلوج رائع
عاجبني اوي التصميم في كلامك ومشروع الصيدلي المتميز ده
ربنا يعزك يارب ويحقق جميع احلامك ان شاء الله ونسمع قريبا عن حماده الصيدلي المخترع
بس اوعى الشهره تغيرك :P
بجد ربنا يكرمك ان شاء الله
بس سؤال صحيح؟؟
ومتفوق جدا جدا
ايه الثقه ده :D

Ph.Hamada said...

Dr.Shimaa
طبعا يا فندم انا اسعد كتير بمرور حضرتك على البلوج , ومبسوط انه عجبك

ربنا يسمع منك يا دكتورة شيماء ويرزقنى الإرادة واقدر احقق اللى بحلم بيه وساعتها ما تخافيش عمر ما اى شهرة ممكن تغيرنى بإذن الله :)

معلش بقى د.شيماء في التأخير كانت خاصية Comment Moderation شغالة ولغيتها خلاص , وبالنسبة للتفوق , ماهى الأحلام عاوزة الثقة ده عشان نقدر نحققها :)

ِAmany said...

د. حماده

مبروك على البلوج شكلها هتبقى لذيذه خالص كان نفسى اكون اول واحده تهنيك بس شيماء سبقتنى بقى

ربنا يكرمك وتحقق كل احلامك واللى بتتمناه وتنفذ افكارك

Ph.Hamada said...

Amany
الله يبارك فيك د.امانى ويارب فعلا تكون عجبتك

انا بجد مبسوط بمرورك على البلوج

ربنا يوفقنا كلنا يارب ونحقق كل اللى بنحلم بيه

AmR said...

حبيب قلبي .. بلوج رائع وشخص أروع
:)

على فكرة أنا كمان نفسي أتعلم مش للإمتحان وده شئ مُحزن جداً

يارب الواحد يقدر يتغير

مبروك مرة تانية

استمر

dr.shoshr said...

مبروك يحماده على البلوج الجميله دى

يارب اشوفك صيدلى مبدع

وتحقق كل احلامك

Ph.Hamada said...

AmR
الله يخليك ويبارك فيك يا حبيبي , ويارب فعلا بتقدر نتغير , بإذن الله هستمر وربنا يوفقنا

شكرا يا عمور :)

Shoshr
الله يبارك فيك يا شريف يا حبيبيى , ويارب نحقق كلنا كل ما نحلم بيه ان شاء الله

منورنى كده دايما يا شريف :)

marmora said...

يااااااه انا وصلت متأخر جداااا
متأسفة بجد مأخذتش بالي غير حالا:(
الف مبروك يا فندم شكلها هتكون جامدة جداان شاء الله :)

ربنا يوفقك وتحقق كل ما تتمناه :)
طبعا عايزة اعلق علي حاجات كتير بس بلاش خليها واحدة واحدة :D
في انتظار تميزك ان شاء الله..

Ph.Hamada said...

Marmora
لا يا د.مرمورة لا متأخرة ولا حاجة وبعدين متأسفة على ايه بس , ده انا اللى مفروض اشكر حضرتك على زيارتك للبلوج وعلى كلام حضرتك اللى شجعنى

لا لا لا , علقى براحتك يا دكتورة , انا بهتم بالتعليق جدا , ومستنيه , وربنا يوفقنا جميعا د.مرمورة :)

ذكرى إنسان said...

مبروك البلوج يا حماده
معلش جت متأخره

بس حقيقي كلماتك و تصميماتك رائعه

و يا رب تقدر تحقق كل إلي بتتمناه و تكون صيدلي مبدع

اسمح لي بمتابعتك :)

Ph.Hamada said...

ذكرى انسان
الله يبارك فيك د.محمد ,وبعدين لا متأخرة ولا حاجة كفاية انك شرفتنى

يسمع من بقك ربنا , يا رب اقدر فعلا احقق كل اللى بحلم بيه , وطبعا د.محمد متابعتك ليا ده شرف كبير , بجد شكرا على الروح المعنوية ده :)

ذكرى إنسان said...

حماده حبيبي

على فكره إنت ليك تاج عندي ف يالمدونه يا ريت تدخل تاخده :)

Ph.Hamada said...

ذكرى انسان
طبعا انا ليا الشرف يا د.محمد انى استقبل التاج ده , شكرا بجد , ربنا يكرمك