بلا هوية
احسست بالضعف يمزق اوصالى , وايقنت بالموت يتغلغل في عروقى , وسقط قلمى من يدى , وبردت اطرافى , وشل تفكيرى وقتل ادراكى . واصبحت كالضباب , وربما كالحطام . اهيم على وجهى بلا هوية وبلا معنى
ذاك هو انا , ولكن هل انا هو انا ؟! . لم اعد اعلم ولم اعد ادرى . الى اين تأخذنى اقدارى ؟ , والى اين ينتهى بى مشوارى ؟. الى السماء ام الى التراب ؟ , الى الهواء ام الى الماء ؟
ملحوظة : محدش يحاول يفهم حاجة
:)
11 comments:
ملحوظه :محدش يحاول يفهم حاجه
ليه بس كده انا حاولت بس مفهمتش هههه
الصراحه اللى عجبنى اوى الصوره
:))
ايه يا حماده كمية الكأبه :(
بس فعلا الواحد ساعات بيوصل لمرحله من التوهان والتخبط والحيره لما تكون كل حاجه قدامه عليها علالمات استفهام مش عارف اي حاجه في اي حاجه المسقبل قدامه ضباب مش باين ليه اي معالم
بس مع كل ده بيجيلنا برضه احساس انه ربنا معانا هو اللي بايده كل شيئ واكيد هيقدرلنا الخير اينما كنا واينما وجدنا اهم حاجه انه الواحد يعمل اللي عليه ويبقى عنده ثقه في الله
جميله ياحماده كلماتك ده واحلى مافيها بساطتها وتعبيراتها اللي من قلبك
ربنا يوفقك يارب ويحققلك كل احلامك :)
محاولتش أفهم :)
Gamalpotter
يعنى اللى عجبك من كل الكلام ده الصورة بس :D
ماشي يا سيدى , وبالنسبة للفهم انا موضحتش اى حاجة من اللى كان مضايقنى ساعتها فبالتالى محدش كان هيفهم حاجة , بس كده , منور يا ابو جمال :)
أحمد منتصر
هى تعبير عن حالة كانت جوايا يس , وما افصحتش فيها عن اى حاجة :)
Dr.Shimaa
د.شيماء , هى اينعم كآبة اوى , لكن ساعتها استريحت اوى لما كتبتها , كنت متغاظ شوية بس فقلت اطلع اللى جوايا في الكلام احسن ما اطلعه في الناس :)
لا بس انا بعديها اتكلمت واستريحت , بس قيمة الحاجات ده بتبقى في وقتها وفي موقفها كحالة من تفريغ شحنة معينة
واكيد طبعا احساس ان ربنا معانا , بيهون كل شيء , لما تحسي انك مش مطلوب منك غير انك تعملى اللى عليكى وبكره ده كله بايد ربنا , فعلا ساعتها الواحد بيبقى مطمن اوى
ربنا يكرمك د.شيماء , فعلا كلامك مظبوط تماما , وصادق تماما , بحس منه انك اخت كبيرة وعاقلة وفاهمة
بجد ربنا يوفقك ويكرمك :)
خير .. خير
ربنا يفرج همك
و مش هأحاول أفهم قوي يعني :)
Queen Of Roses
لا ده كان موضوع قديم د.ساره والحمد لله عالجته خلاص . بس هو الواحد لما يكون زعلان شوية ممكن يشوف الدنيا سواد قدامه . انما لما يقعد ويهدى يلاقى ان بياض الدنيا رجع تانى .
واما الفهم بقى , فده كويس انك ريحت دماغك منه لأنك لو كنت حاولتى مكنتيش هتوصلى لحاجة .. شغل عالى بقى .. ازاى تحسس اللى قدامك انك تعبان من غير ما تقوله انت تعبان بإيه :D
بس كده
منورة د.ساره :)
انت مشكله فى التعبير
ربنا يديم عليك الموهبه
وكويس انك طمنتنا عليك فى التعليقات
الحمد لله انك بخير
انت حد كويس قوى على غنك تبقى فى الموج الزباله دى
ركز يا ابو حميد
وان شاء الله هتبقى جوون
سلام
أنا حاولت أفهم والنتيجه
أكيد فهمت
بس بجد عاوزه أقولك على حاجه
يعنى متحاولش تستسلم للأحزان وتخلى أى حاجه تزعلك تسيطر عليك
وتأكد دايما إن ربنا معاك وبيقدر لك الخير وخلى دايما ثقتك فيه وبس
S@gi L'ombre
والله مش عارف اقولك ايه يا مصطفى , بس انا نفسي استغربت اول ما شوفت ردك . عمر ما حد شجعنى بالطريقة ده
ربنا يكرمك يا صاحبى . ويارب ابقى حاجة فعلا
بجد شكرا جزيلا :)
ِAmany
الحمد لله , المحاولة نجحت يعنى . جميل خالص :)
فعلا اللى انتى قولتيه صح تماما , وهى ده فعلا مشكلتى , انه لما بيسيطر عليا احساس معين وخصوصا الاحاسيس السلبية بتفضل معايا مده , اى نعم انا في الآخر برجع واقول الحمد لله لانه مقدرلى الخير دايما . بس ده ممكن تتأخر شوية
بس الحمد لله فعلا
الخيرة فيما اختاره الله
ربنا يكرمك :)
Post a Comment